பெட்ரோ டாலருக்கு விலை போன எம் பி?

இஸ்லாமிய மதத்தை பின்பற்றுபவர்கள் அனைவரையும் தீவிரவாதிகளாக சித்தரிக்க அமெரிக்காவும் ஒத்த ஏகாதிபத்திய நாடுகளும் சதியாலோசனை செய்கின்றன. இதனை இந்தியாவிலும் பல வழிகளினூடாக அரங்கேற்ற முயற்சிகள் நடந்து கொண்டிருக்கின்றன.
மலேகாவில் 37 பேர் கொல்லப்படுவதற்கு காரணமான தொடர் குண்டு வெடிப்புகளின் பின்னணியில் இந்து தீவிரவாதிகள் என்று ஒரு பத்திரிக்கை கூட செய்தி வெளியிட்டதாக நான் காணவில்லை. ஆனால் அதே சமயம் மும்பை மற்றும் அக்ஷர்டாமில் குண்டு வெடிப்புகளை நடத்தியது இஸ்லாமிய தீவிரவாதிகள் என இந்திய அனைத்து முக்கிய பத்திரிக்கைகளும் முன்விதி எழுதின.

காஷ்மீர் குண்டுவெடிப்புகளில் மரணமடைபவர்கள் யார் என பாராளுமன்றத்தில் பலமுறை கோரிக்கை வைத்த பிறகும் இது வரை அதற்கான பதில் கிடைக்கவில்லை. உண்மையில் அங்கு கொல்லப்படுபவர்களில் 94 சதவீதமும் முஸ்லிம் சமூகத்தில் உள்ளவர்களே. இந்த விவரங்கள் வெளிவராமல் இருப்பதனாலேயே கஷ்மீரில் நடக்கும் எல்லா குண்டுவெடிப்புகளோடும் இஸ்லாமிய சமூகம் எளிதில் பிணைக்கப்பட்டு செய்தியாக்க இலகுவாக்கப்படுகிறது.

எங்கு எவ்வித அக்கிரமம் நடந்தாலும் அதில் ஒரு முஸ்லிமின் பெயர் உட்பட்டிருந்தால் உடன் அதற்கு மதத்தை காரணமாக்குவதன் பின்னணியில் கூட்டுசதி உள்ளது. இது போன்ற தருணங்களில் வெளியிடப்படும் எதிர் அறிக்கைகளை கொண்டே அரசியல்வாதிகளின் உண்மையான முகங்களை அடையாளம் கண்டு கொள்ளலாம்.

நன்றி : சத்தியமார்க்கம்

இவ்வாறு கூறியிருப்பது பின்லாடனோ, முல்லா உமரோ, சதாம் ஹுஸைனோ அல்லது இந்தியாவில் உள்ள ஏதாவது முல்லாவோ அல்ல.

இந்திய பாராளுமன்றத்தில் அங்கமாக உள்ள திரு. வீரேந்திர குமார் எம் பி அவர்கள் தான் இவ்வாறு கூறியிருக்கிறார். இவரின் இதே கருத்தை சமீபத்தில் மசூதிக்கு அருகில் நிகழ்ந்த குண்டுவெடிப்புக்குப் பின் பல அரசியல்வாதிகளும் கூற ஆரம்பித்திருக்கின்றனர்.

ஒருவேளை "பெட்ரோ டாலர்" கைமாறி இருக்குமோ? இதனைக் குறித்து "தேசப்பற்றை குத்தகைக்கு" எடுத்திருப்பதாக பகல் வேடமிடும் இந்திய சுதந்திரப்போரில் சுதந்திரப்போராளிகளை காட்டிக்கொடுப்பவர்களின் கூடாரமாகவும் மகாத்மா காந்தியை கொலை செய்ய திட்டம் வகுத்து கொடுத்தவர்களுமான ஆர் எஸ் எஸ் க்கு அடிவருடும் நீலகண்டன், நேசகுமார், மலர்மன்னன், ஜெயராமன் போன்ற இணைய முழுநேர ஊழியர்கள் கருத்து கூறினால் நன்றாக இருக்கும்.