உலக முஸ்லிம்களுக்கு புஷிடமிருந்து நற்செய்தி!

உலக முஸ்லிம்கள் இறைதூதர் இப்ராகீம்(அலை) அவர்களின் தியாகத்தை நினைவு கூர்ந்து மகிழும் தியாகத் திருநாளான இன்று காலை சுமார் 6 6மணியளவில், இறைவனால் வழங்கப்பட்ட அதிகாரத்தை தன் ஆட்சி காலத்தின் போது துர்பிரயோகம் செய்து தன்னை எதிர்த்தவர்களுக்கு சிம்ம சொப்பனமாக விளங்கிய சதாம் ஹுசைன் உலக சட்டாம்பிள்ளை ஜார்ஜ் புஷின் ஈராக் பொம்மை அரசால் தூக்கிலிடப்பட்டார்.

எவ்வித நடுநிலையான விசாரணையும் இன்றி நடைபெற்ற வழக்கில் கூறப்பட்ட அநியாயமான தீர்ப்பை பல்வேறு உலக நாடுகளின் எதிர்ப்பையும் மீறி அவசரகோலத்தில் நிறைவேற்றியிருக்கின்றனர்.

சதாம் செய்த குற்றம் அவரின் ஆட்சி காலத்தில் அவரை வஞ்சகமாக கொலை செய்ய முயன்ற குர்து இன மக்களில் நூற்று சொச்சம் பேரை அநியாயமாக கொலை செய்ததாகும். ஓர் ஆட்சியாளனுக்கு எதிராக அவனை கொலை செய்ய முயல்பவர்களை அந்நாட்டு சட்டம் கடுமையாக தண்டிக்கும். இது அனைவரும் அறிந்ததாகும். எனினும் அவரின் ஆட்சி காலத்தில் நடந்த அந்த சம்பவத்திற்கு, இன்று தன்னை எதிர்க்கும் அனைவரையும் எவ்வித இரக்கமும் இன்றி அநியாயமாக கொன்று குவித்து நரமாமிசம் சாப்பிட்டு வரும் காட்டுமிராண்டி ஜார்ஜ் புஷ் நீதி வழங்குகிறாராம்.

சரி. இவ்விஷயத்தில் நீதி, நியாயம் பற்றி இனி பேசி ஒன்றும் நடக்கப்போவதில்லை. "நடப்பது நடந்தே தீரும்". அது நடந்தாகி விட்டது. இங்கு சதாமுக்கு நிறைவேற்றப்பட்ட தண்டனையை குறித்து கூற ஆயிரம் விஷயங்கள் உள்ளன. இருப்பினும் முடிந்த அந்த காரியத்தைக் குறித்து என்ன கூற?(இதனைத் தானே இருபத்தொன்றாம் நூற்றாண்டின் அடிமட்ட முட்டாள் ஜார்ஜ் புஷ் முஸ்லிம் சமூகத்திடமிருந்து எதிர்பார்த்தான்).

தன்னை உலகிற்கு நீதி வழங்கும் நியாயவானாக நினைத்துக் கொண்டு சதாமை மட்டுமல்ல, அநியாயம் இழைக்கும் எவருக்கும் புஷ் பாடம் புகட்டட்டும். ஆனால் சதாமை தூக்கிலேற்ற வேறு தினங்களே இந்த காட்டுமிராண்டிக்கு கிடைக்கவில்லையா? உலக முஸ்லிம்கள் தங்களின் அனைத்து விதமான கஷ்ட, நஷ்டங்களையும், கவலைகளையும் மறந்து மகிழ்ச்சியுடன் இருக்கும் இன்றைய தினமா அதற்கு கிடைத்தது? அதுவும் இன்றைய தின சிறப்பான தியாகத் திருநாள் தொழுகை நடைபெறும் அச்சமயம்?

இதன் மூலமாக புஷ் முஸ்லிம் உலகிற்கு கூற வரும் செய்தி என்ன? தனது மனதில் எவ்வளவு வக்கிரமும், துவேச எண்ணமும் ஊறிப்போயிருந்தால் இந்த ஜடம் இம்மாபாதகச் செயலுக்கு இத்தினத்தை அதுவும் அத்தொழுகை நேரத்தை தேர்ந்தெடுத்திருக்கும்?

சதாமினால் முஸ்லிம்களிலேயே ஒரு கூட்டம் மக்கள் மிகுந்த கொடுமைகளுக்கு உள்ளானார்கள் எனபது உண்மை தான். அதற்காக சதாமுக்கு இழைக்கப்பட்டிருக்கும் இக்கொடுமையை படைத்த இறைவனுக்கு மட்டுமே பயந்து தலைவணங்கும் எந்த ஒரு முஸ்லிமும் சகித்துக் கொள்ள மாட்டான். மகிழ்ச்சியுடன் இருக்க வேண்டிய இந்த தியாகத்திருநாளில் தொழுவதற்கு கூட அனுமதிக்காமல் சதாமை தூக்கிலேற்றி தனது வன்மத்தை தீர்த்துக் கொண்ட பிசாசு(வார்த்தை உபயம்: வெனிசுலா அதிபர் ஹ்யூகோ ஷாவேஸ்), அத்தோடு உலகில் தன் பின்னால் இருந்த கொஞ்ச நஞ்ச மக்களின் மதிப்பையும் குழி தோண்டி புதைத்துக் கொண்டது. இதனைத் தான், தன் தலையில் தானே மண்ணை அள்ளிப்போடுவது என்பர்.

இன்று உலக முஸ்லிம்களின் மகிழ்ச்சியில் மண்ணை அள்ளி வீசிய புஷ் என்றும் தன் கையில் அதிகாரம் இருக்கும் எனக் கனா காண வேண்டாம்.

அன்று அதிகாரத்தில் இருந்த சதாம் தன்னை எதிர்த்தவர்களுக்கு எதிராக அதிகாரத்தை துர்பிரயோகம் செய்ததற்கு தண்டனை இதுவென்றால்.....,

இன்று அதிகாரத்தில் இருந்து கொண்டு, தான் வளர்த்தி விட்ட பின்லாடன் தனக்கு எதிராக மாறிய போது, அந்த தனி மனிதனை பிடிக்கிறேன் என்ற பெயரைக் கூறிக் கொண்டு, ஆப்கானில் ஆயிரக்கணக்கான அப்பாவி மக்களை கொன்று குவித்ததற்கும், அதே போன்று ஒருகாலத்தில் தன் செல்லப்பிள்ளையாக இருந்த சதாம் பின்னர் தனக்கு தலைவலியாக மாறியவுடன், சதாமை ஆட்சியிலிருந்து அகற்றுகிறேன் என்ற பெயரைக் கூறிக்கொண்டு இன்றளவும் லட்சக்கணக்கில் விலை மதிப்பிலா மனித உயிர்களை ஈராக்கில் கொன்றொழித்துக் கொண்டிருப்பதற்கும் நாளை ஒருவன் நியாயம் தீர்க்க நிச்சயம் வருவான். காட்டுமிராண்டி பிசாசு புஷ் தன்னை தயார் படுத்திக் கொள்ளட்டும்.

அன்றைய அந்த நியாயம் தீர்ப்பு மிகக்கடுமையானதாக இருக்கும். இன்று சதாமின் உயிர் அதிக வேதனையின்றி பறிக்கப்பட்டது போல் அன்றைய நீதித் தீர்ப்பு இருக்காது. அந்த தீர்ப்பிற்குரிய தண்டனை முடிவுறாததாக இருக்கும். அப்படிப்பட்ட தனக்கு எதிரான அந்த விசாரணை களத்திற்கு நரமாமிசம் உண்ணும் மனித உருவில் உள்ள காட்டுமிராண்டி கொள்ளிவாய் பிசாசு புஷ் தன்னை தயார்படுத்திக் கொள்ளட்டும்.

முற்பகல் செய்யின் பிற்பகல் விளையும்;

வாளெடுத்தவன் வாளால் மடிவான்;

அரசன் அன்று கொல்வான், தெய்வம் நின்று கொல்லும்;

முஸ்லிம்களின் தியாகத் திருநாளில் ஒரு முஸ்லிமை தூக்கிலேற்றி உலக முஸ்லிம்களின் மகிழ்ச்சியில் மண்ணை அள்ளிவீசலாம் எனக் கனாகண்ட, உலகிற்கு மிகப்பெரும் சாபக்கேடாக வந்து வாய்த்திருக்கும் அடிமுட்டாள் புஷிற்கு ஆழ்ந்த அனுதாபங்கள்.

நம்மை பொறுத்தவரை சதாமைப் போன்ற பாவ ஆத்மாக்களையும் தியாகச் சீலர்களாக மக்கள் மனதில் என்றென்றும் இடம்பெற வைக்க புஷை போன்ற நவநாகரீக ஷைத்தான்கள் அவசியமே. நடத்தட்டும் புஷ் தனது கோமாளித்தனங்களை;