இந்தியர்களுக்கு ஓர் புதிய கடவுள்!

நிறுவனப்படுத்தப்படாத(!), எதையும் உள்வாங்கும் நோக்கில் அதுவே தனித்தன்மையாக உடைய இந்து மதத்திற்காக இதோ ஓர் புதிய கடவுள் அவதாரமெடுக்கின்றார். முப்பத்து முக்கோடியில் இதையும் சேர்த்துக் கொள்வோமே. என்ன குறைந்தா போய் விடப்போகிறது.

பெங்களூர், ஏப். 21-கன்னட சினிமாவில் தனி முத்திரை பதித்தவர் நடிகர் ராஜ்குமார்.
மக்களால் மிக அன்போடு "அண்ணவரு" என்று அழைக்கப்பட்ட அவர், கடந்த ஆண்டு
இறந்தார்.இந்நிலையில், பெங்களூர் பார்வதிபுரம் லேஅவுட்டைச் சேர்ந்த வெங்கடேஷ் என்ற
ரசிகர் 40 கோடி ரூபாய் செலவில் ராஜ்குமாருக்கு கோயில் கட்டி வருகிறார். செங்கல்,
ஓடு தொழிற்சாலை நடத்தி வரும் இவர் பல பொருட்களின் விநியோகஸ்தராகவும்
உள்ளார்.பெங்களூர் யஷ்வந்த்புரா ஒன்றியம் கென்னல்லி கிராமம் அழகியமலை, ஏரிக்கரை
சூழ்ந்த பகுதியில் இவரது மனைவி சிவம்மா பெயரில் ஒரு ஏக்கர் நிலம் உள்ளது. அங்கு ஒரு
முனீஸ்வரர் கோயிலும் உள்ளது. ராஜ்குமார் இறந்தது முதல், இந்த கோயில் கருவறையில்
அவரது படத்தையும் வைத்து பூஜை செய்து வருகிறார் வெங்கடேஷ். "20 அடி ராஜகோபுரத்துடன்
ராஜ்குமார் கோயில் அமைக்கப்படுகிறது. கருவறையில் விலை உயர்ந்த நவீனகற்களால்
ராஜ்குமார் சிலை ஆளுயரத்துக்கு வைக்கப்படும். இதை சிவகுமார் ஸ்தபதி வடிவமைத்து
வருகிறார். விரைவில் கும்பாபிஷேகம் நடக்கும்" என்று வெங்கடேஷன் தெரிவித்தார்.

தமிழகத்தில் ஒரு குஷ்பு, ஆந்திராவில் ஒரு ராமராவ் எனில் கர்நாடகத்தில் ஒரு ராஜ்குமார். ஒரு 100 வருடத்திற்குப் பின் ராஜ்குமார் சாமியாக யாருடையாவது உடம்பில் வந்து ஆடுவார். அப்பொழுது நடப்பது, நடக்கப்போவது, நடக்காமல் தடுப்பதற்கான வழிமுறைகள் போன்றவைகளை, "வீரப்பனிடமிருந்து தன்னை தற்காத்துக் கொள்ள வக்கில்லாத இந்த புதிய கடவுள்" மக்களுக்கு கூறி ஆசி வழங்குவார். அதையும் இந்து மதத்தின் தனித்தன்மையாக கூறி இணைய ஜல்லிகள் நன்றாக ஜில்லியடிக்கலாம். போங்கடா போங்க.